شک ہے اسحاق ڈار نے عوام کو اپنا نام اور تاریخ پیدائش بھی درست نہیں بتائی، حماد اظہر

پاکستان تحریک انصاف (پی ٹی آئی) کے رہنما حماد اظہر کا کہنا ہے کہ مجھے شک ہے اسحاق ڈار نے عوام کو اپنا نام اور تاریخ پیدائش بھی درست نہیں بتائی، اسحاق ڈار کو فوری طور پر استعفیٰ دینا ہوگا۔

وزیر خزانہ اسحاق ڈار نے کہا کہ پی ڈی ایم کا حکومت لینے کا فیصلہ قابل ستائش ہے، سب کہتے تھے حکومت لینے کی غلطی کی، خان کو چلنے دیتے۔

لاہور میں میڈیا سے گفتگو کرتے ہوئے حماد اظہر نے کہا کہ اسحاق ڈار صاحب کو خصوصی طیارے پر پاکستان لایا گیا، پاکستان اس وقت ڈیفالٹ کرنے کی سطح پر پہنچ چکا ہے۔

حماد اظہر  نے کہا کہ خواجہ آصف کہتے ہیں کہ ملک ڈیفالٹ کر چکا ہے، اسحاق ڈار درست حقائق نہیں بتا رہے۔

پی ٹی آئی رہنما نے کہا کہ انہیں پاکستان سے سروکار نہیں، این آر او سے غرض تھا وہ انہیں مل گیا، اب یہ الیکشن سے بھاگ رہے ہیں۔

بشکریہ جنگ