شکارپور: کلھوڑو اور جونیجو قبائل میں فائرنگ، 9 افراد جاں بحق

شکارپور کے کچے میں جونیجو اور کلھوڑو قبائل کے درمیان دیرینہ دشمنی پر فائرنگ سے 9 افراد جاں بحق جبکہ دو زخمی ہوگئے، لاشوں اور زخمیوں کو اسپتال منتقل کردیا گیا۔

شکارپور پولیس کے مطابق مدیجی کچے کے علاقے میں دو قبائل میں جاری تصادم کے نتیجے میں فائرنگ سے 9 افراد جاں بحق اور 2 زخمی ہوئے۔

پولیس نے بتایا کہ لاشوں اور زخمیوں کو مدیجی اسپتال منتقل کردیا گیا ہے۔

ایس ایس پی تنویر تنیو نے جیو نیوز کو بتایا کہ کشیدہ صورتحال پر قابو پالیا گیا ہے اور پولیس کی بھاری نفری علاقے میں تعینات کردی گئی ہے تاکہ مزید خون ریزی نہ ہوسکے۔

انہوں نے واقعے کو دونوں قبائل کے درمیان دیرینہ دشمنی کا نتیجہ قرار دیا۔

بشکریہ جنگ