پاکستان تحریک انصاف (پی ٹی آئی) کے رہنما، سابق وزیر خزانہ شوکت کا کہنا ہے کہ لوڈشیڈنگ کی کیا وجہ ہے؟ کوئلہ مہنگا ہوگیا ہے، ایل این جی مہنگی ہوئی ہے جس وجہ سے منگوائی نہیں جارہی۔
ایک بیان میں شوکت ترین نے کہا کہ آر ایل این جی کے پلانٹ کم کیپیسٹی پر چل رہے ہیں، اگر آپ ایندھن نہیں منگوائیں گے تو پاور پلانٹ کیسے چلیں گے؟
انہوں نے کہا کہ یہ ہمیں نالائق کہتے تھے، یہ خود نا لائقوں کی یونیورسٹی کے ہیڈ ہیں، ن لیگ کی حکومت نے اوور کیپیسٹی پہلے ہی کردی تھی، ن لیگ نے امپورٹڈ فیول پر پاور پلانٹ لگائے۔
پی ٹی آئی رہنما کا کہنا ہے کہ آج ملک میں 8 سے 12 گھنٹے کی لوڈشیڈنگ ہو رہی ہے۔
ان کا یہ بھی کہنا ہے کہ شہباز شریف نے کہا تھا یکم جولائی سے لوڈشیڈنگ نہیں ہوگی، ہمیں بھی تو مشکلات تھیں، ہم اِدھر اُدھر سے پیسے کر کے لوگوں کو بجلی فراہم کرتے تھے۔
Comments are closed.