شعیب ملک کا بھارتی ٹیم کی شکست پر تبصرہ کرنے سے انکار
پاکستان ٹیم کے سابق کپتان شعیب ملک نے دبئی میں پریس کانفرنس کے دوران بھارتی ٹیم کی مسلسل شکست اور خراب کارکردگی پر بات کرنے سے انکار کردیا۔
انہوں نے ورچوئل پریس کانفرنس میں کہا کہ ہمارا پورا فوکس پاکستان ٹیم اور اس کے میچز پر ہے، کسی دوسری ٹیم پر کوئی تبصرہ نہیں کرنا چاہتا۔
شعیب ملک نے اپنی ریٹائرمنٹ کے حوالے سے کہا کہ دوران ٹورنامنٹ ریٹائرمنٹ کا نہیں سوچ رہا۔
سابق کپتان نے کہا کہ مسلسل جیت سے پاکستان ٹیم کا مورال اس وقت بہت ہائی ہے، کھلاڑیوں نے پریکٹس سیشن میں بہت محنت کی جو رنگ لارہی ہے، پہلے ہی میچ کی کامیابی سے مورال بہت ہائی ہوا۔
انہوں نے کہا کہ حسن علی فائٹر ہے وہ کم بیک کرے گا، ایک دو میچز میں پرفارمنس نہیں ہوئی تو کوئی زیادہ بڑی بات نہیں ہے، بابر اعظم کی کپتانی میں نکھار آتا جارہا ہے، بابراعظم کی سب سے اچھی بات یہ ہے کہ کپتانی میں بیٹنگ کا پریشر نہیں لے رہے ۔
Comments are closed.