شعیب شاہین نے اسلام آباد کے تینوں حلقوں سے کاغذات نامزدگی جمع کرادیے

پاکستان تحریک انصاف (پی ٹی آئی) کے مرکزی رہنما شعیب شاہین نے اسلام آباد کے تینوں حلقوں کےلیے کاغذات نامزدگی جمع کرادیے۔

پی ٹی آئی کے سید مصطفین کاظمی نے این اے 46 اور این اے 47 کےلیے کاغذات نامزدگی جمع کرائے ہیں۔

پاکستان تحریک انصاف (پی ٹی آئی) کے بانی چیئرمین عمران خان کے وکیل نعیم پنجوتھہ نے کہا کہ ہم الیکشن کا بائیکاٹ نہیں کریں گے لیکن متنازع انتخابات کوئی قبول نہیں کرے گا۔

پی ٹی آئی کے عامر شیخ نے این اے 47 کے کاغذات نامزدگی جمع کرائے ہیں۔

ن لیگ کے رفعت چوہدری نے این اے 48 اور سابق ڈپٹی میئر ذیشان نقوی نے این اے 47 کےلیے کاغذات نامزدگی جمع کراوئے ہیں۔

اسلام آباد سے قومی اسمبلی کی نشستوں کےلیے عوامی نیشنل پارٹی (اے این پی) اور جمعیت علماء اسلام (ف) کی جانب سے بھی کاغذات نامزدگی جمع کرائے گئے ہیں۔

بشکریہ جنگ