شعیب اختر کا آپریشن، مداحوں سے دعاؤں کی اپیل

قومی کرکٹ ٹیم کے سابق فاسٹ بولر شعیب اختر نے گُھٹنے کے آپریشن سے قبل مداحوں سے دعاؤں کی اپیل کر دی۔

شعیب اختر نے سماجی رابطے کی سائٹ ٹوئٹر پر اسپتال کے بیڈ سے ایک ویڈیو پیغام جاری کیا ہے۔

ویڈیو پیغام میں شعیب اختر نے کہا ہے کہ میں اپنے گھٹنے کے آخری آپریشن کے لیے تیار ہوں۔

انہوں نے کہا کہ اس سے قبل میرے 5 آپریشن ہو چکے ہیں لیکن پھر بھی کہنا چاہوں گا کہ میرے لیے دعا کریں۔

شعیب اختر کا کہنا ہے کہ میں نے پاکستان کے لیے بطور بولر کھیلا جس پر مجھے فخر ہے لیکن یہ آپریشن میرے لیے ضروری ہے۔

ان کا مزید کہنا ہے کہ درد ختم ہونے اور صحت یاب ہونے میں مجھے کم سے کم 2 سے 3 ہفتے لگ سکتے ہیں۔

سابق فاسٹ بولر نے یہ بھی کہا کہ دعاؤں کی اشد ضرورت ہے کیوں کہ 8 گھنٹے طویل آپریشن ہو گا۔

بشکریہ جنگ