شعیب اختر نے اپنی کونسی تصویر پہلی بار دیکھی؟

راولپنڈی ایکسپریس کے نام سے مشہور قومی ٹیم کے سابق فاسٹ بولر شعیب اختر  نے سوشل میڈیا پر ماضی کی اپنی وہ تصویر شیئر کردی جو اُنہوں نے خود بھی پہلی بار دیکھی ہے۔

سوشل میڈیا پر زیادہ متحرک رہنے والے اور ہر گُزرتے دن کے ساتھ مختلف تبصروں اور تصاویر شیئر کرکے مداحوں کے ساتھ رابطے میں رہنے والے شعیب اختر نے اپنے تصدیق شدہ ٹوئٹر اکاؤنٹ پر اپنی پُرانی تصویر شیئر کی ہے۔

ٹوئٹر پر شیئر کی گئی تصویر شعیب اختر کے کرکٹ کے دنوں کی ہے جس میں اُن کے ہاتھ میں ہیلمٹ دیکھا جاسکتا ہے۔

شعیب اختر نے اپنے ٹوئٹ میں لکھا کہ ’میں نے یہ تصویر، اس سے پہلے نہیں دیکھی تھی۔‘

قومی کرکٹ ٹیم کے سابق فاسٹ بولر شعیب اختر نے کہا ہے کہ بھارت اور افغانستان کے میچ کو فِکس کہنا بند کریں، اس میچ میں بھارت نے بہت اچھا زبردست کھیل کا مظاہرہ کیا۔

سابق فاسٹ بولر شعیب اختر نے گزشتہ شب ٹوئٹر پر یہ تصویر شیئر کی جسے اب تک 23 ہزار سے زائد لائکس مل چکے ہیں۔

بشکریہ جنگ