شعیب اختر موجودہ سیاسی صورتحال پر خاموش کیوں؟ صارف کا سوال

قومی کرکٹ ٹیم کے سابق فاسٹ باؤلر شعیب اختر کی موجودہ سیاسی صورتحال پر خاموشی سے متعلق صارف نے سوال کرلیا۔

شعیب اختر نے اپنے تصدیق شدہ ٹوئٹر اکاؤنٹ پر اپنی نئی تصویر شیئر کی جس میں وہ سیاہ رنگ کے لباس میں ملبوس ہیں۔

سابق کرکٹر نے اپنے ٹوئٹ میں لکھا کہ آج کافی دنوں کے بعد تیار ہونے کا موقع ملا تو سوچا آپ لوگوں کو بھی دِکھا دوں۔

اُنہوں نے مزاحیہ انداز میں لکھا کہ جی ہاں! میرا تیار ہونا یہی ہے۔

شعیب اختر کی تصویر پر جہاں اُن کے چاہنے والوں نے اُن کے لیے تعریفی تبصرے کیے تو وہیں ایک صارف نے ملکی سیاسی صورتحال سے متعلق سوال پوچھ لیا۔

محمد اسحاق نامی صارف نے کہا کہ وہ سب تو ٹھیک ہے لیکن موجودہ سیاسی صورتحال پر آپ کی خاموشی سمجھ سے بالا تر ہے۔

پاکستان کرکٹ ٹیم کے سابق فاسٹ بولر شعیب اختر نے انکشاف کیا ہے کہ اُنہیں سابق کپتان شاہد آفریدی سے بہت سے مسائل ہیں۔

صارف نے کہا کہ ایک پاکستانی ہونے کے ناطے آپ اپنی رائے تو دے سکتے ہیں اگر آپ کو کسی مجبوری نے خاموش رکھا ہے تو وہ بھی بول دے۔

ٹوئٹر صارف نے مزید کہا کہ آپ ایک نڈر، غیرت مند کھلاڑی کے نام سے جاننے جاتے ہو

صارف کے اس سوال پر شعیب اختر کی جانب سے کوئی ردّعمل سامنے نہیں آیا۔

بشکریہ جنگ