شریف گروپ آف کمپنیز نے عمران اسماعیل کو نوٹس بھیج دیا

شریف گروپ آف کمپنیز نے عمران اسماعیل کے سلیمان شہباز پر الزام کو بے بنیاد قرار دیتے ہوئے انہیں نوٹس بھیج دیا۔

نوٹس میں کہا گیا ہے کہ سابق گورنر سندھ نے وزیراعظم کے بیٹے سے معافی نہ مانگی تو قانونی کارروائی کی جائے گی۔

ترجمان شریف گروپ آف کمپنیز کا کہنا ہے کہ سلیمان شہباز کا سولر پینلز کا کوئی کاروبار نہیں۔ ان کی کسی کمپنی کا بھی سولر پینلز کی درآمد یا ایسے کسی کاروبار سے کوئی واسطہ نہیں۔ بے بنیاد الزامات پی ٹی آئی کی پروپیگنڈہ ٹیم کی گھناؤنی مہم کا حصہ ہے۔

اپنے بیان میں انہوں نے کہا کہ عوام کے بدترین معاشی قتل عام کے باوجود آئی ایم ایف چوروں پر اعتبار کرنے کو تیار نہیں ہے۔

واضح رہے کہ عمران اسماعیل نے الزام لگایا تھا کہ وزیراعظم شہباز شریف کے بیٹے سلیمان شہباز کی کمپنی سے سرکاری عمارتوں کے لئے سولر پینل خریدے جائیں گے۔

بشکریہ جنگ