شریف فیملی ڈیل مانگ رہی ہے، شہباز گِل

وزیرِ اعظم پاکستان عمران خان کے معاونِ خصوصی شہباز گِل کا کہنا ہے کہ نواز شریف سے 3 مرتبہ اسپتال میں ملا ہوں وہ منتیں کرتے تھے کہ انہیں جانے دیں، شریف فیملی ڈیل مانگ رہی ہے۔

میڈیا سے گفتگو کرتے ہوئے انہوں نے کہا کہ آپ کہیں شاپنگ نہیں کر رہے کہ ڈیل ملے گی، ہم نواز شریف کو واپس لانا چاہتے ہیں۔

شہباز گِل نے کہا کہ نوازشریف کو فلائٹ میں بٹھا کر بھیجا جارہا ہے، وہ واپس آئیں گے تو جیل جائیں گے، آپ کو ڈیل اور ڈھیل جتنی میسر آنی تھی آ گئی۔

وزیر اعظم پاکستان کے معاون خصوصی شہباز گل پر انڈے اور سیاہی پھینکنے کےکیس کی سماعت ہوئی، جس میں ملزم عباس، عتیق اور طارق جوڈیشل مجسٹریٹ کے روبرو پیش ہوئے۔

ان کا کہنا ہے کہ شریف فیملی کو ڈیل نہیں ملے گی، آپ کے سامنے عمران خان کھڑا ہے۔

شہباز گِل نے بتایا کہ ڈیل مانگی جا رہی ہے کہ شہباز شریف، مریم کو بھی باہر جانے دیا جائے، شاہد خاقان یہاں رہیں گے۔

وزیرِ اعظم عمران خان کے معاونِ خصوصی شہباز گِل اپنے خلاف توہین عدالت کے کیس کی سماعت کے موقع پر لاہور کی عدالت میں پیش ہوئے، اس موقع پر بد نظمی کا مظاہرہ دیکھنے میں آیا۔

وزیرِ اعظم عمران خان کے معاونِ خصوصی نے کہا کہ ہم آپ کو ابلا ہوا آلو نہیں دیں گے، آپ چکن برگر مانگ رہے ہیں۔

انہوں نے مزید کہا کہ اب ووٹ کا مقابلہ ووٹ سے ہو گا، ہیرا پھیری سے نہیں، تعلیم کے نام پر فیصل آباد کے ساتھ مذاق کیا گیا۔

شہباز گِل نے یہ بھی کہا کہ اب آپ کا مریض پیسے نہ ہونے کی وجہ سے مرے گا نہیں، پنجاب کی بیورو کریسی نے شروع میں ہمیں تنگ کیا تھا۔

بشکریہ جنگ