شاہین کے پہلے اوور میں کیا خاص بات ہے؟

پاکستان کرکٹ بورڈ (پی سی بی) نے قومی کرکٹ ٹیم کے فاسٹ بولر شاہین شاہ آفریدی کے پہلے اوور کے حوالے سے ایک ویڈیو شیئر کی ہے۔

پی سی بی کی جانب سے ٹوئٹر پر شیئر کی گئی ویڈیو میں قومی ٹیم کے کپتان بابر اعظم، وکٹ کیپر بیٹر محمد رضوان، کوچ ثقلین مشتاق، بولنگ کنسلٹنٹ شان ٹیٹ اور خود شاہین شاہ آفریدی کے ان کے پہلے اوور کے حوالے سے پیغامات شامل ہیں۔

اس حوالے سے بابر اعظم کا کہنا ہے کہ شاہین شاہ آفریدی کے پاس بولنگ کروانے کی خداد صلاحیت ہے اس کو پتا ہے کہ مجھے کہا پر گیند پھینکنی ہے۔

محمد رضوان کا کہنا ہے کہ ہمیں توقع ہوتی ہے کہ شاہین شاہ آفریدی پہلے اوور میں کچھ نہ کچھ کرے گا۔

انہوں نے مزید کہا کہ مینجمنٹ، فینز اور دیگر کھلاڑی بھی وکٹ کے منتظر ہوتے ہیں۔

کوچ ثقلین مشتاق نے کہا کہ شاہین آفریدی تیز گیند پھینک کر آنکھوں میں دھول جھونک دیتا ہے، شاہین کا پہلا اوور ایسا لگتا ہے کہ جسے وہ میزائل چھوڑے گا۔

بولنگ کنسلٹنٹ شان ٹیٹ کا کہنا ہے کہ شاہین شاہ آفریدی بہادر ہیں جو پہلے اوور میں فل ٹاس کرتے ہیں، وہ رسک لیتے ہیں اور بیٹسمین مس کر دیتے ہیں۔

شاہین شاہ آفریدی کا کہنا ہے کہ نئے گیند کو ایسے استعمال کرنا چاہتا ہوں کہ جس سے ٹیم کو فائدہ ہو، میری یہی کوشش ہوتی ہے کہ جلدی آؤٹ کروں۔

بشکریہ جنگ