شاہین شاہ آفریدی نے سوشل میڈیا صارفین کے دل جیت لئے

قومی ٹیم کے فاسٹ بولر شاہین شاہ آفریدی کے مداح یوں تو دنیا بھر میں ہیں لیکن پڑوسی ملک کے ایک جنونی مداح کی انوکھی خواہش کو پورا کرکے شاہین آفریدی نے سب کے دل جیت لیے۔

سوشل میڈیا پر وائرل ہونے والی تصویر سے معلوم ہوتا ہے کہ شاہین شاہ آفریدی کی بولنگ کے چرچے بھارت میں بھی اسی طرح ہیں جیسا کہ پاکستان میں۔

ایک مداح نے لاہور قلندرز کے کپتان سے بھارتی پرچم پر آٹو گراف کی انوکھی خواہش ظاہر کی تو فاسٹ بولر نے بھی ان کا دل نہیں توڑا۔

شاہین شاہ آفریدی نے بھارتی پرچم ہاتھ میں تھام کر مداح کو آٹو گراف دے دیا، جس کی تصاویر سوشل میڈیا پر وائرل ہوئی تو دیگر صارفین بھی کھلاڑی کو داد دیئے بنا نہ رہ سکے۔

دوسری جانب بعض سوشل میڈیا صارفین شاہین کے اقدام کو شاہد آفریدی کی پیروی قرار دے رہے ہیں۔

یاد رہے ماضی میں شاہد آفریدی نے بھی اپنے بھارتی مداح کی خواہش پر بھارتی پرچم کے ساتھ تصویر بنوائی تھی۔

سُسر اور داماد کے اس رویے کو بھارتی سوشل میڈیا صارفین خوب سرا رہے ہیں۔

بشکریہ جنگ