شاہنواز دھانی اور راشد خان کی گلے ملتے ویڈیو وائرل

قومی کرکٹ ٹیم کے فاسٹ بولر شاہنواز دھانی نے پاک افغان میچ میں پاکستان کی فتح کے بعد افغانستان کے اسپنر راشد خان کو گلے سے لگالیا جس کی ویڈیو وائرل ہوگئی۔

شاہنواز دھانی نے اپنے ٹوئٹر اکاؤنٹ پر اپنی ایک ویڈیو شیئر کی ہے جس میں اُن کے ساتھ افغان اسپنر راشد خان بھی موجود ہیں۔

یہ ویڈیو شاہنواز دھانی کے کسی مداح کی جانب سے اُنہیں بھیجی گئی ہے جو کہ پاکستان اور افغانستان کے میچ کے بعد اسٹیڈیم میں بنائی گئی تھی۔

ویڈیو میں شاہنواز دھانی، افغان اسپنر راشد خان کو گلے سے لگاتے ہوئے اُنہیں تھپکی دے رہے ہیں۔

وائرل ویڈیو میں راشد خان اور شاہنواز کو گفتگو کرتے ہوئے بھی دیکھا جاسکتا ہے۔

ٹی ٹوئنٹی ورلڈکپ میں افغانستان کے خلاف میچ میں ناقابلِ شکست اننگز کھیلنے والے قومی کرکٹر آصف علی نے سابق بھارتی کرکٹر ایم ایس دھونی کا اسٹائل اپناکر اُن کے کرکٹ کے دنوں کی یاد تازہ کردی۔

شاہنواز دھانی نے ویڈیو شیئر کرتے ہوئے لکھا کہ ’جیت اور ہار میں کرکٹ ہمیشہ جیت جاتی ہے۔‘

واضح رہے کہ ورلڈ کپ ٹی 20 کے گروپ 2 میں پاکستان نے افغانستان کو 5 وکٹوں سے شکست دے کر سیمی فائنلسٹ کی فہرست میں اپنی جگہ مضبوط کرلی ہے۔

بشکریہ جنگ