شاہد آفریدی کی تبلیغی اجتماع میں شرکت، تصاویر وائرل

پاکستان کرکٹ ٹیم کے سابق کپتان اور آل راؤنڈر شاہد خان آفریدی نے تبلیغی جماعت کے اجتماع میں شرکت کی، جس کی تصاویر سوشل میڈیا پر وائرل ہوگئیں۔

کراچی کے علاقے اورنگی ٹاؤن میں ہونے والے تبلیغی اجتماع  میں ہزاروں افراد سمیت کئی نامور شخصیات نے بھی شرکت کی۔ گورنر سندھ کامران ٹیسوری اور ایم کیو ایم پاکستان کے کنوینر ڈاکٹر خالد مقبول صدیقی نے بھی اختتامی دعا میں شرکت کی۔

سوشل میڈیا پر شاہد آفریدی کی تبلیغی اجتماع میں شرکت کی تصاویر سامنے آئی ہیں۔ جن میں وہ چائے پیتے اور آرام کرتے نظر آرہے ہیں۔

بشکریہ جنگ