شاداب کی غیرموجودگی، نائب کپتان کی ذمہ داری کس کو ملی؟

نیوزی لینڈ کے خلاف ون ڈے سیریز کے لیے شان مسعود کو پاکستان ٹیم کا نائب کپتان مقرر کیا گیا ہے۔

پاکستان کرکٹ بورڈ کے مطابق شاداب خان کی عدم موجودگی کی وجہ سے شان مسعود کو نائب کپتان کی ذمہ داری سونپی گئی ہے۔

واضح رہے کہ شاداب خان کو انجری کی وجہ سے ون ڈے اسکواڈ کا حصہ نہیں بنایا گیا ہے۔

یاد رہے کہ پاکستان اور نیوزی لینڈ کے درمیان ون ڈے میچز 9، 11 اور 13 جنوری کو کراچی میں شیڈول ہیں۔ 

بشکریہ جنگ