شاداب خان کی پہلے ون ڈے میں شرکت مشکوک

پاکستان اور آسٹریلیا کے درمیان وائٹ بال کرکٹ سیریز کا آغاز آج سے ہورہا ہے، قومی ون ڈے کرکٹ ٹیم کے نائب کپتان شاداب خان کی پہلے ون ڈے میچ میں شرکت مشکوک ہوگئی ہے۔

ذرائع کا کہنا ہے کہ انجری کی وجہ سے شاداب خان آج آسٹریلیا کے خلاف ہونے والے پہلے میچ میں ٹیم کا حصہ نہیں ہوں گے۔

خیال رہے کہ آسٹریلوی آل راؤنڈر مچل مارش ہپ انجری کی وجہ سے پہلے ون ڈے سے باہر ہوگئے ہیں۔

پاکستان اور آسٹریلیا کے درمیان تین میچو ں کی سیریز کا پہلا ون ڈے آج تین بجے لاہور کے قذافی اسٹیڈیم میں کھیلا جائے گا۔

واضح رہے کہ ون ڈے سیریز کے دیگر 2 میچز بھی لاہور میں ہی 31 مارچ اور 2 اپریل کو شیڈول ہیں۔

بشکریہ جنگ