شاداب خان وطن واپسی پر پُرجوش

قومی کرکٹ ٹیم کے آل راؤنڈر شاداب خان آئی سی سی مینز ٹی ٹوئنٹی ورلڈ کپ اور بنگلادیش کے خلاف ٹی ٹوئنٹی سیریز کھیلنے کے بعد وطن واپس آرہے ہیں۔

مائیکرو بلاگنگ سائٹ ٹوئٹر پر شاداب خان نے اپنی دو تصاویر شیئر کیں جن میں وہ کالا چشمہ لگائے کافی خوش نظر آرہے ہیں۔

شاداب خان نے اپنے ٹوئٹ میں لکھا کہ ’اپنے وطن پاکستان واپس آنے کے لیے سب تیار ہیں۔‘

قومی کرکٹر نے کہا کہ ’ٹی ٹوئنٹی ورلڈ کپ اور بنگلادیش میں اچھا وقت گزرا۔‘

اُنہوں نے بنگلادیش کرکٹ بورڈ اور شائقین سے مخاطب ہوتے ہوئے کہا کہ ’آپ کی مہمان نوازی کے لیے سب کا شکریہ۔‘

بنگلادیش کرکٹ بورڈ نے پاکستان کو ٹی ٹوئنٹی سیریز کی ٹرافی نہ دینے کے حوالے سے اہم بیان جاری کردیا ہے۔

شاداب خان نے مزید کہا کہ ’اپنے والدین اور خاندان کے ساتھ کچھ وقت گزارنے کا منتظر ہوں۔‘

واضح رہے کہ پاکستان نے بنگلادیش کے خلاف ٹی ٹوئنٹی سیریز میں کلین سوئپ فتح حاصل کی۔

بشکریہ جنگ