سی اے اے کا روجھان ریڈار 13 ستمبر تک بند رکھنے کا فیصلہ

سول ایوی ایشن اتھارٹی (سی اے اے) نے روجھان ریڈار 13 ستمبر تک بند رکھنے کا فیصلہ کیا ہے۔

سی اے اے حکام کے مطابق سیلاب تاحال روجھان ریڈار تنصیبات میں موجود ہے، جس کے باعث اسے 13 ستمبر تک بند رکھنے کا فیصلہ کیا گیا ہے۔

حکام کے مطابق روجھان ریڈار سے متعلق سی اے اے نے تمام ایئرلائنز کو آگاہ کردیا ہے۔

روجھان ریڈار 220 ناٹیکل میل تک سی اے اے کو بھارت، ایشیائی ممالک سے آنے والے طیاروں سے متعلق رہنمائی دیتا ہے۔

کراچی ایئر ٹریفک اور لاہور ایئر ٹریفک کنٹرول ریڈار روجھان کے درمیان ایئر ٹریفک مشترکہ طور پر کنٹرول کریں گے۔

بشکریہ جنگ