سیکورٹی اداروں کیخلاف تنقید پر ایف آئی اے کا ایکشن

سیکورٹی اداروں کے خلاف سوشل میڈیا پر ہرزہ سرائی کے بعد مختلف شہروں سے 5 افراد کو گرفتار کرلیا گیا۔

رپورٹس کے مطابق وزیراعظم شہباز شریف کی ہدایت پر ایف آئی اے نے لاہور، کراچی اور پشاور میں کارروائی کی۔

ایف آئی اے کے مطابق لاہور سے گرفتار شخص نے 22 مختلف اکاؤنٹ بنائے ہوئے تھے، ملزم بظاہر پراپرٹی ڈیلنگ کا کام کرتا ہے اور اس نے ایک اخبار کا جعلی کارڈ بھی بنوا رکھا تھا۔

فارمیشن کمانڈرز کانفرنس میں پیشہ ورانہ، نیشنل سیکیورٹی چیلنجز پر بریفنگ دی گئی، جبکہ شرکاء کو روایتی اور غیر روایتی خطرات سے نمٹنے پر بھی بریفنگ دی گئی، آئی ایس پی آر

وزیراعظم شہباز شریف کا کہنا ہے کہ ریاستی اداروں کی تضحیک پر قانون کے مطابق کارروائی ہونی چاہیے۔ 

بشکریہ جنگ