سیلاب پر PTI سیاست نہیں کر رہی، مشتاق احمد غنی

خیبر پختونخوا اسمبلی کے باہر سیلاب متاثرین کیلئے امدادی کیمپ قائم کردیا گیا، صوبائی اسمبلی کے ملازمین نے ایک دن کی تنخواہ عطیہ کرنے کا اعلان بھی کردیا۔

اسپیکر صوبائی اسمبلی و قائم مقام گورنر مشتاق احمد غنی نے امدادی کیمپ میں میڈیا سے گفتگو کرتے ہوئے کہا کہ وفاقی حکومت نے سیلاب کے بعد امدادی و بحالی کے کاموں میں ہمیں اعتماد میں نہیں لیا۔

مشتاق غنی کاکہنا تھا کہ وفاقی حکومت نے مدد نہ بھی کی تو ہم خود صوبے میں بحالی کا کام کریں گے، سیلاب پر پی ٹی آئی سیاست نہیں کر رہی۔

اسپیکر صوبائی اسمبلی کا مزید کہنا تھا کہ وفاقی حکومت تیمور سلیم جھگڑا سے متعلق بےبنیاد پروپیگنڈا کر رہی ہے۔

بشکریہ جنگ