سیلاب متاثرین کیلئے UAE حکومت کی امدادی مہم شروع
متحدہ عرب امارات حکومت کی جانب سے پاکستان خاص طور پر سندھ اور بلوچستان میں سیلاب کی تباہ کاریوں سے متاثرہ افراد کی امداد کے حوالے سے یو اے ای بھر میں خصوصی فنڈ ریزنگ مہم شروع کردی گئی ہے۔
کراچی میں یو اے ای قونصلیٹ ذرائع کے مطابق متحدہ عرب امارات کی ریاستوں ابوظہبی، دبئی اور شارجہ میں فنڈ جمع کرنے کی مہم کا آغاز کردیا گیا ہے۔
اماراتی سفیر حماد بن عبید الزہبی کے ترجمان کے مطابق متحدہ عرب امارات کی حکومت اس مشکل وقت میں پاکستان کے ساتھ کھڑی ہے۔
انہوں نے کہا کہ روزِ اول سے متحدہ عرب امارات اور ریڈ کراس پاکستان میں سیلاب متاثرین کی امداد کا سلسلہ جاری رکھے ہوئے ہیں اور متاثرین کی بحالی کیلئے ضروری اقدامات کر رہے ہیں۔
ان کا کہنا تھا کہ متحدہ عرب امارات سے پاکستان کے سیلاب متاثرین کیلئے امدادی سامان کی ترسیل کا سلسلہ بھی جاری ہے۔
سیلاب سے متاثر ہونے والے ہر خاندان کیلئے الگ الگ امدادی باکس تیار کیے جا رہے ہیں۔
Comments are closed.