سیلاب متاثرین نے نواب زادہ عامر مگسی کی گاڑی کو گھیر لیا

قمبر شہداد کوٹ میں وارہ کے حلقے سے منتخب رکن قومی اسمبلی نواب زادہ عامر مگسی سیلاب سے متاثرہ علاقے پہنچے تو متاثرین نے ان کی گاڑی کو گھیر لیا۔

لوگوں نے امدادی کارروائیاں نہ ہونے اور عامر مگسی کے خالی ہاتھ آنے پر شدید احتجاج کیا۔

 اس موقع پر لوگوں نے نوابوں کو بد دعائیں بھی دیں۔ نواب زادہ عامر مگسی کچھ کہے بغیر واپس چلے گئے۔

 قمبر شہداد کوٹ سے اطلاع ملی ہے کہ یہ واقعہ 3 روز قبل پیش آیا تھا، جس کی ویڈیو اب سامنے آئی ہے۔

بشکریہ جنگ