سیریز کا آغاز اچھا نہیں ہوا، کم بیک ضرور کریں گے، میٹ ہینری

نیوزی لینڈ کرکٹ ٹیم کے فاسٹ بولر میٹ ہینری نے کہا ہے کہ سیریز کا آغاز اچھا نہیں ہوا، 5 میچز کی سیریز ہے، کم بیک ضرور کریں گے۔

جیو نیوز سے گفتگو کرتے ہوئے میٹ ہینری نے کہا کہ دوسرے میچ میں بہتر کارکردگی دکھانے کی کوشش کریں گے، کنڈیشنز سمجھنے کی کوشش کر رہے ہیں، پہلے میچ سے بہت کچھ اندازہ ہوا۔

میٹ ہینری کا کہنا ہے کہ ہمیں اندازہ تھا پاکستان میں کس طرح کے چیلنج کا سامنا ہو گا، امید ہے پہلے میچ سے جو سیکھا اسے آج دوسرے میچ میں اپلائی کریں گے، وقفے وقفے سے اچھی بولنگ کی مگر ہمیں غلطیوں پر مزید قابو پانا ہو گا۔

نیوزی لینڈ کے فاسٹ بولر میٹ ہینری نے کہا ہے کہ پاکستان کے خلاف بیٹنگ میں ہمارا پلان کامیاب رہا۔

انہوں نے کہا کہ ٹی ٹوئنٹی میں ہمیشہ آپ کا کنٹرول نہیں رہتا، اہم ہے کہ ہم مثبت رہیں، یہاں کھیل کر جو نوجوانوں کو تجربہ حاصل ہو گا وہ کافی مفید ہو گا، ہیٹ ٹرک کرنا ہمیشہ اہم ہے، افسوس ایسا سنگ میل شکست میں حاصل ہوا۔

ان کا کہنا ہے کہ ٹاپ بولرز کے گروپ میں شمار ہونا میرے لیے کافی اسپیشل ہے، لاہور کا کراؤڈ بہت زبردست رہا، ہم اپنا قیام انجوائے کر رہے ہیں۔

بشکریہ جنگ