سیاسی بحران کے حل کیلئے عدلیہ کا کوئی کردار ہونا چاہیے نہ اسٹیبلشمنٹ کا، قمر زمان کائرہ

پاکستان پیپلز پارٹی کے سینئر رہنما قمر زمان کائرہ نے کہا ہے کہ سیاسی بحران کے حل کیلئے نہ عدلیہ کا کوئی کردارہونا چاہیے نہ اسٹیبلشمنٹ کا۔

جیو نیوز کے پروگرام ’جیو پاکستان‘ میں گفتگو کرتے ہوئے قمر زمان کائرہ نے کہا کہ سیاسی جماعتیں مذاکرات سے انکار نہیں کرتیں، مذاکرات جن سے کرنے ہیں ان سے متعلق کچھ لوگوں کے تحفظات ہیں۔

انہوں نے کہا کہ ہم نے عدالت کی جانب سے مذاکرات کی تجویز کی تائید کی، مذاکرات کی تجویز دینا عدالت کا کام نہیں یہ بھی انہیں بتایا

قمر زمان کائرہ نے کہا کہ سیاسی جماعتوں نے ملک میں پیدا بحرانوں پر اتفاق رائے کیا ہے، کوئی سوچ سکتا تھا بغیر اتفاق رائے کے این ایف سی اور 18ویں ترمیم ہوجائے گی۔

بشکریہ جنگ