سیاسی اختلافات کے باوجود سعید غنی کی مریم نواز کو مبارکباد
پیپلز پارٹی کے سینئر رہنما اور صوبائی وزیر سعید غنی نے سیاسی اختلافات کے باوجود مسلم لیگ کی نائب صدر مریم نواز کو بیٹے کی شادی کی مبارکباد دے دی۔
سعید غنی نے اپنے ٹوئٹر اکاؤنٹ پر مریم نواز کی فیملی کے ہمراہ تصویر شیئر کی۔
صوبائی وزیر نے اپنے پیغام میں لکھا کہ ’مریم نواز اور ان کے اہلِ خانہ کو مبارکباد ، نئے جوڑے کے لیے بے شمار دعائیں۔‘
خیال رہے کہ گزشتہ روز مریم نواز بیٹے جنید صفدر کی بارات بہو عائشہ سیف کے گھر لے گئیں اور دلہنیا ساتھ لے آئیں۔
جنید صفدر کی دعوتِ ولیمہ 17 دسمبر کو جاتی امرا میں ہوگی جس میں کسی سیاسی جماعت کے رہنما کو مدعو نہیں کیا گيا، صرف قریبی رشتے داروں اور احباب کو دعوت دی گئی ہے۔
بشکریہ جنگ
Comments are closed.