سہ ملکی سیریز میں پاکستان کی فتح، PMLN اکاؤنٹ سے معنی خیز پیغام جاری

گرین شرٹس کے نیوزی لینڈ میں تین ملکی ٹی ٹوئنٹی سیریز جیتنے کے فوری بعد پاکستان مسلم لیگ (ن) کے ٹوئٹر اکاؤنٹ سے معنی خیز پیغام جاری ہوا۔

مسلم لیگ (ن) کے اکاؤنٹ سے لکھا گیا کہ ’نواز نے کر دکھایا‘۔

اس پیغام میں ویسے تو پاکستان ٹیم کو سیریز جیتنے پر مبارکباد دی گئی ہے مگر یہ پیغام ’سیاسی‘ ہی ہے، یعنی ن لیگ نے ایک تیر سے دو شکار کر نے کی کوشش کی ہے۔

واضح رہے کہ پاکستانی بیٹر محمد نواز کو نیوزی لینڈ کے خلاف سہ ملکی سیریز کے فائنل میچ میں عمدہ کارکردگی پر پلیئر آف دی میچ کا ایوارڈ دیا گیا تھا۔

محمد نواز نے میچ میں ایک وکٹ حاصل کی جبکہ ہدف کا تعاقب کرتے ہوئے وہ 38 رنز بنا کر ناٹ آؤٹ رہے تھے۔

بشکریہ جنگ