سہ ماہی ایڈجسٹمنٹ کے تحت بجلی 46 پیسے فی یونٹ مہنگی
نیشنل الیکٹرک پاور ریگولیٹری اتھارٹی (نیپرا) کی جانب سے سہ ماہی ایڈجسٹمنٹ کے تحت بجلی 46 پیسے فی یونٹ مہنگی کر دی گئی۔
نیپرا نے اپنا فیصلہ وفاقی حکومت کو بھجوا دیا ہے۔
بجلی رواں مالی سال کی دوسری سہ ماہی ایڈجسٹمنٹ کی مد میں مہنگی کی گئی ہے۔
نیپرا کے فیصلے کے باعث بجلی کے صارفین پر 15 ارب 45 کروڑ روپے سے زائد کا اضافی بوجھ پڑے گا۔
نیپرا کے مطابق فیصلے کے تحت بجلی کے صارفین کو 3 ماہ میں اضافی ادائیگیاں کرنا ہوں گی۔
نیپرا کے فیصلے کے تحت بجلی کے صارفین سے اپریل، مئی اور جون کے بلوں میں اضافی وصولیاں کی جائیں گی۔
نیشنل الیکٹرک پاور ریگولیٹری اتھارٹی (نیپرا) کا یہ بھی کہنا ہے کہ ان اضافی وصولیوں کا اطلاق کے الیکٹرک پر نہیں ہو گا۔
بشکریہ جنگ
Comments are closed.