سکندر رضا نے پاکستان کیخلاف کامیابی کو بہترین جیت قرار دیدیا

زمبابوے کرکٹ ٹیم کے آل راؤنڈر سکندر رضا نے کہا ہے کہ ورلڈکپ میں پاکستان جیسی ٹیم کو ہرانا بہترین جیت ہے۔

پرتھ میں پاکستان کے خلاف ٹی ٹوئنٹی ورلڈکپ میں تاریخی کامیابی حاصل کرنے کے بعد پریس کانفرنس کرتے ہوئے سکندر رضا کا کہنا تھا کہ پہلی بال سے یقین تھا کہ اگر فیلڈنگ اچھی کی تو جیتیں گے۔

میں پہلے دن سے کہہ رہا ہوں ورلڈکپ کے لیے ٹیم کی سلیکشن بالکل بھی ٹھیک نہیں کی گئی، اب اس چیز کی ذمہ داری کون لے گا۔

سکندر رضا نے کہا کہ آج کی جیت کے بعد گروپ کافی اوپن ہوگیا ہے، ابھی سیمی فائنل کا نہیں سوچ رہے۔ 

زمبابوین آل راؤنڈر کا کہنا تھا کہ ورلڈکپ میں پاکستان جیسی ٹیم کو ہرانا بہترین جیت ہے، اپنی کارکردگی پر بس الحمداللّٰہ ہی کہوں گا۔

انہوں نے بتایا کہ گزشتہ روز میچ کے بارے میں سوچتا رہا تھا، رکی پونٹنگ کی تعریف نے حوصلہ افزائی کی۔

سکندر رضا کا کہنا تھا کہ ہم پر ذمہ داری ہے کہ زمبابوے میں کرکٹرز کو متاثر کریں۔

بشکریہ جنگ