سپریم کورٹ کے نیب کیسز کی واپسی کے فیصلے کے قانونی پہلوؤں کا جائزہ لے رہے ہیں، نیب حکام

قومی احتساب بیورو (نیب) حکام نے کہا ہے کہ سپریم کورٹ کے حکم کی روشنی میں نیب کیسز کی واپسی کے قانونی پہلوؤں کا جائزہ لیا جا رہا ہے۔

نیب حکام کا کہنا ہے کہ سپریم کورٹ کے حکم کے مطابق ترامیم سے متاثر ریفرنسز احتساب عدالتوں کو واپس بھیجیں گے۔

سابق وزیر اعلیٰ سندھ مراد علی شاہ، سابق وزیراعظم شاہد خاقان عباسی کےخلاف کیسز بھی بحال کر دیے گئے۔

حکام کا کہنا ہے کہ میڈیا اور سوشل میڈیا پر نیب سے متعلق چلنے والے اعداد و شمار درست نہیں، ایک دو روز میں احتساب عدالتوں کو قانون کے مطابق ریفرنسز واپس بھیجیں گے۔

نیب حکام نے مزید کہا کہ قانونی رائے آتے ہی نیب اپنی قانونی ذمہ داریاں نبھائے گا۔

بشکریہ جنگ