سپریم کورٹ کی ہدایت: پی ٹی آئی اور پی ڈی ایم کا رابطہ نہیں ہوا، فواد چوہدری

سپریم کورٹ کی سیاسی جماعتوں کو آج ہی مذاکرات کرنے کی ہدایت کے بعد پاکستان تحریک انصاف (پی ٹی آئی) کے رہنما فواد چوہدری کا کہنا ہے کہ پی ڈی ایم سے اب تک رابطہ نہیں ہوا، ویسے بھی ہم چاہتے ہیں پی ڈی ایم سے رابطہ نہ کریں۔

سپریم کورٹ کے باہر میڈیا سے گفتگو کرتے ہوئے فواد چوہدری نے کہا کہ چاہتے ہیں معاملات اب عدالت کے سامنے ہوں، عمران خان سے ویڈیو لنک پر رابطہ ہوا ہے۔

سپریم کورٹ آ ف پاکستان میں ملک بھرمیں انتخابات ایک ساتھ کرانے کی درخواستوں پر سماعت جاری ہے۔

پی ٹی آئی رہنما نے کہا کہ کوئی بھی کام سپریم کورٹ کے بغیر نہیں ہوگا، آئینی ترمیم کے بغیر الیکشن آگے نہیں جا سکتے۔

فواد چوہدری نے مزید کہا کہ ہم الیکشن کیلئے تیار ہیں۔

واضح رہے کہ سپریم کورٹ آ ف پاکستان نے ملک بھر میں انتخابات ایک ساتھ کروانے کی درخواستوں پر سماعت کے دوران سیاسی جماعتوں کو آج ہی مذاکرات کرنے کی ہدایت  کی ہے۔

دوران سماعت چیف جسٹس کا کہنا تھا کہ ہم عدالت کے ذریعے احکامات جاری کریں تو پیچیدگیاں بنتی ہیں، سیاسی جماعتیں افہام و تفہیم سے معاملات طے کرتی ہیں تو برکت ہوتی ہے۔

بشکریہ جنگ