سپریم کورٹ کی ہدایت پر ڈی پی او سرگودھا لاپتہ لڑکی کی تلاش میں کراچی پہنچ گئے

سرگودھا سے لاپتہ ہونے والی 18 سالہ لڑکی کی تلاش میں سپریم کورٹ کی ہدایت پر ڈی پی او ڈاکٹر رضوان خان کراچی پہنچ گئے۔ 

ڈی پی او سرگودھا ڈاکٹر رضوان نے ایف آئی اے، سی پی ایل سی اور ایدھی سینٹر سے رابطہ کیا ہے۔ 

انہوں نے لاپتہ لڑکی صوبیہ بتول کے کوائف اور خاکہ ایدھی اور سی پی ایل سی سے حوالے کیا۔

واضح رہے کہ لاپتہ صوبیہ بتول کے اغوا کا مقدمہ سرگودھا شاہ پور میں درج ہے۔

پولیس نے لاپتہ لڑکی کیس میں ایک ملزم کو گرفتار کیا ہوا ہے جبکہ لاپتہ بچی کو تلاش کرنے پنجاب کے تمام اضلاع میں رابطہ کیا گیا ہے۔

لڑکی سے متعلق ڈاکٹر رضوان کا کہنا ہے کہ لڑکی کی تصویر دستاب نہیں ہے اور نہ ہی شناختی کارڈ بنا ہے۔

بشکریہ جنگ