سِکّا خان کو ویزا دینے پر وزیراعظم سے اظہارِ تشکر

بھارت میں مقیم سِکّا خان کو ایک گھنٹے میں ویزا جاری ہونے پر پاکستان میں مقیم ان کے بھائی صدیق خان نے وزیراعظم کا شکریہ ادا کیا ہے۔

فیصل آباد کے رہائشی صدیق خان نے کہا کہ وہ اپنے بھائی کے استقبال کے لیے پُرجوش ہیں۔ ڈھول کی تھاپ پر بھائی کو گاؤں لائیں گے۔

انہوں نے کہا کہ بھائی مان گیا تو اس کی شادی بھی رچائیں گے۔

واضح رہے کہ حال ہی میں چوہتر سال بعد دونوں بھائیوں کی کرتار پور میں ملاقات ہوئی تھی۔ دونوں بھائیوں کی دہائیوں بعد ہونے والی ملاقات میں رقت آمیز مناظر دیکھنے میں آئے تھے۔

بشکریہ جنگ