سُست رفتار کچھوے نے پرندے کا شکار کرلیا

دُنیا کے سب سے سُست ترین اور کم رفتار والے جانور کچھوے نے پرندے کا شکار کرکے سب کو حیران کردیا جس کی ویڈیو سوشل میڈیا پر وائرل ہوگئی۔

بین الاقوامی میڈیا رپورٹس کے مطابق سوشل میڈیا پر مشرقی افریقا کے ساحل سے کچھ دوری پر بحرِ ہند کے ایک جزیرے پر بنائی گئی ویڈیو وائرل ہورہی ہے۔

سیچیلز کے ’فریگیٹ‘ نامی جزیرے پر بنائی گئی ویڈیو میں دیکھا جاسکتا ہے کہ ’دیوقامت کچھوے‘ نے کس طرح اپنی سُست ترین رفتار کے ساتھ مسلسل کوشش کرتے ہوئے پرندے کا شکار کیا۔

ایک منٹ 53 سیکنڈز پر مشتمل اس ویڈیو میں دیکھا جاسکتا ہے کہ کچھوے نے ایک ایسے چھوٹے پرندے کا شکار کیا جو کہ پہلے سے زخمی تھا اور یہی وجہ تھی کہ وہ اُڑ نہیں پا رہا تھا۔

کچھوے نے پرندے کے زخمی ہونے کا فائدہ اُٹھاتے ہوئے بڑی کوششوں کے بعد اُس کا شکار کیا۔

بشکریہ جنگ