سونے کی فی تولہ قیمت میں 600 روپے کا اضافہ

ہفتے کے پہلے کاروباری دن میں ہی آج سونے کی فی تولہ قیمت میں 600 روپے کا اضافہ ہوا ہے۔

پی ایس ایکس کے بینچ مارک 100 انڈیکس 1284 پوائنٹس کم ہو کر 43 ہزار 266 پر بند ہوا ہے۔

سندھ صرافہ بازار جیولرز ایسوسی ایشن کے مطابق اس اضافے کے ساتھ ملک میں ایک تولہ سونے کا بھاؤ ایک لاکھ 30 ہزار روپے ہے۔

صرافہ ایسوسی ایشن کے مطابق 10 گرام سونے کا بھاؤ 515 روپے بڑھا ہے، جس کے ساتھ 10 گرام سونے کی قیمت ایک لاکھ 11 ہزار 454 روپے ہے۔

ایسوسی ایشن کے مطابق عالمی صرافہ میں سونے کا بھاؤ 17 ڈالر اضافے کے بعد ایک ہزار 991 ڈالر فی اونس ہے۔

بشکریہ جنگ