سوات: ٹریفک حادثے کے بعد پولیس کا شہری پر تشدد

سوات میں سیدو شریف روڈ پر ٹریفک حادثے کے بعد پولیس اہلکاروں کے شہری پر تشدد کی ویڈیو منظر عام پر آگئی۔

ویڈیو میں دیکھا جاسکتا ہے کہ پولیس اہلکار شہری کو تشدد کے بعد گاڑی میں ڈال کر لے گئے۔

ویڈیوں میں دیکھا جاسکتا ہے کہ پولیس اہلکار شہری پر آزادانہ لاتوں اور گھونسلوں کا استعمال کر رہے ہیں۔

ایس پی ٹریفک کا کہنا ہے کہ گزشتہ روز 2 گاڑیاں آپس میں ٹکرائیں، جس کے وجہ سے ٹریفک جام ہوا تھا۔

انہوں نے مزید کہا کہ پہلے شہری پولیس اہلکار سے الجھ پڑا، جس کے بعد دونوں میں ہاتھاپائی ہوئی۔

ایس پی ٹریفک شاہ حسن کے مطابق پولیس شہری کو پولیس اسٹیشن لے گئی، جس کے بعد اس کو چھوڑا گیا۔

بشکریہ جنگ