سندھ کے تمام اسکولوں میں موسم گرما کی چھٹیوں کا آغاز

کراچی سمیت سندھ بھر کے تمام اسکولوں میں آج (یکم جون) سے موسم گرما کی چھٹیوں کا آغاز ہو گیا ہے۔

حکومتی اعلان کے مطابق اسکول 2 ماہ بند رہیں گے جس کے بعد یکم اگست سے اسکولوں میں نئے تعلیمی سال کا آغاز ہوگا۔

گزشتہ روز اسکول کے آخری دن بچے بہت خوش دکھائی دیئے اور گرمیوں کی چھٹیوں کے پلان مرتب کرتے رہے۔

واضح رہے کہ گرمیوں کی چھٹیوں سے پہلے اسکولوں میں امتحانات لیے گئے تھے اور اب یکم اگست سے طالب علم نئی کلاسز میں آئیں گے۔

بشکریہ جنگ