سندھ کو دیوار سے لگایا جارہا ہے: بلاول بھٹو زرداری

چیئرمین پاکستان پیپلز پارٹی بلاول بھٹو زرداری نے کہا ہے کہ بظاہر سندھ کو منظم منصوبہ بندی کے تحت دیوار سے لگایا جارہا ہے۔

نوابشاہ میں چیئرمین پیپلز پارٹی بلاول بھٹو سے پارٹی عہدیداران، اراکین اسمبلی اور کارکنان نے ملاقات کی۔

زرداری ہاؤس میں ہونے والی ملاقات میں سندھ کی سیاسی صورت حال پر تبادلہ خیال کیا گیا۔

اس موقع پر بلاول بھٹو زرداری نے کہا کہ کسی بھی صوبے کے عوام کے ساتھ امتیازی سلوک برداشت نہیں کیا جائے گا۔

بلاول بھٹو زرداری نے کہا کہ عمران خان کے آمرانہ رویوں سے تمام صوبوں میں احساس محرومی جنم لے رہا ہے۔

اُنہوں نے کہا کہ ملکی صورتحال کو بھانپ رہے ہیں، عوام کو تنہا نہیں چھوڑیں گے۔

بشکریہ جنگ