سندھ میں کورونا کے 1013 نئے کیسز، 9 مریضوں کا انتقال

سندھ میں گذشتہ 24 گھنٹوں کے دوران کورونا کے 1013 نئے کیسز سامنے آئے ہیں جبکہ عالمی وباء سے مزید 9 مریضوں کا انتقال ہوگیا۔

وزیراعلیٰ سندھ سید مراد علی شاہ نے کورونا وائرس کی صورتحال پر بیان میں کہا ہے کہ گزشتہ 24 گھنٹوں میں کورونا وائرس کے مزید 16133 نمونے ٹیسٹ کئے گئے، جس کے نتیجے میں 1013 نئے کیسز سامنے آئے جبکہ گزشتہ 24 گھنٹوں میں 409027 ویکسینیشن کی گئی ہیں۔ اس طرح سندھ بھر میں اب تک 44722677 یعنی82.97 فیصد ویکسینیشن کی گئی ہیں۔

انھوں نے کہا کہ سندھ میں مجموعی طور پر کوویڈ کے 7793171 ٹیسٹ کیے گئے ہیں اور صوبے میں اب تک 558671 کیسز ہوچکے ہیں۔ آج عالمی وبا کے مزید 649 مریض صحتیاب ہوگئے، یوں مجموعی طور پر 507349 کورونا کے مریض صحتیاب ہوچکے ہیں۔ 

وزیراعلیٰ سندھ نے کہا کہ آج مزید 9 مریض انتقال کرگئے، اس طرح مرنے والوں کی مجموعی تعداد 8009 ہوگئی ہے۔

انھوں نے کہا کہ اسوقت 43313 زیر علاج ہیں۔ جن میں سے 43041 مریض گھروں اور 16 مریض آئسولیشن سینٹرز پر زیرعلاج ہیں جبکہ مختلف اسپتالوں میں 256 مریض زیرعلاج ہیں۔ کورونا متاثرہ 231 مریضوں کی حالت تشویشناک بتائی جارہی ہے اور اس وقت کوویڈ-19 کے 20 مریض وینٹی لیٹرز پر ہیں۔ 

وزیراعلیٰ نے کہا کہ صوبہ بھر کے 1013 کورونا کیسز میں 438 نئے کیسز کا تعلق کراچی سے ہے۔ جن میں سے کراچی جنوبی میں 167، ملیر 154، کراچی شرقی میں 52، کورنگی میں 25، کراچی وسطی میں 24 اور کراچی غربی میں 16 مزید کیسز ظاہر ہوئے ہیں۔ 

دیگر اضلاع میں حیدرآباد میں 326، تھرپارکر میں 29، سکھر میں 27، جیکب آباد میں 24، گھوٹکی میں 18، سانگھڑ میں 14، ٹھٹھہ، ٹنڈو الہیار اور سجاول میں 13-13، ٹنڈو محمد خان میں 12، لاڑکانہ اور مٹیاری میں 11-11، بدین اور میرپور خاص میں 9-9، خیرپور اور جام شورو میں 8-8، کشمور میں 7، شکارپور میں 6، قمبر اور عمرکوٹ میں 5-5، نواب شاہ میں 3 جبکہ دادو اور نوشہروفیروز سے ایک ایک نیا کیس رپورٹ ہوا ہے۔

بشکریہ جنگ