سندھ میں کورونا سے 22 اموات، 1118 نئے کیسز رپورٹ

وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا ہے کہ گزشتہ 24 گھنٹوں میں 13946 نمونوں کی جانچ کی گئی۔ جس کے نتیجے میں مزید 1118 نئے کیسز رپورٹ ہوئے۔ انھوں نے بتایا کہ گزشتہ 24 گھنٹوں میں 22 اموات رپورٹ ہوئیں۔ 

وزیراعلیٰ نے بتایا کہ اموات کی مجموعی تعداد 6612 ہوچکی ہے، آج مزید 740 مریض صحتیاب ہوئے ہیں اس طرح صحتیاب افراد کی مجموعی تعداد 366475 ہوچکی ہے۔ 

انھوں نے کہا کہ اب تک 5392813 نمونوں کی جانچ کی جاچکی ہے اور اب تک 420911 کیسز رپورٹ ہوچکے ہیں، اس وقت 47824 مریض زیر علاج ہیں۔ جن میں سے 46193 گھروں میں، 35 آئسولیشن سینٹرز میں اور 1224 مریض مختلف اسپتالوں میں زیر علاج ہیں۔ 

انھوں نے کہا کہ 1094 مریضوں کی حالت تشویشناک بتائی گئی ہے، جبکہ 85 مریض وینٹی لیٹرز پر ہیں۔

ان کا کہنا تھا کہ صوبے کے 1118 نئے کیسز میں سے 252 کا تعلق کراچی سے ہے۔ جن میں ضلع شرقی 180، ملیر 92، ضلع وسطی 80، ضلع جنوبی 73، کورنگی 64 اور ضلع غربی سے 36 نئے کیسز رپورٹ ہوئے ہیں۔ 

صوبے کے دیگر اضلاع میں حیدرآباد 280، بدین 46، سانگھڑ 35، مٹیاری اور شہید بے نظیر آباد 30 ۔ 30، تھرپارکر 24، جامشورو 23، ٹنڈو الہیار 20، نوشہرو فیروز 19، دادو اور عمرکوٹ 16۔ 16، ٹنڈو محمد خان 10، میرپور خاص 6، سکھر 5، گھوٹکی، ٹھٹھہ اور شکار پور 3 ۔ 3، خیرپور اور لاڑکانہ سے 2 ۔ 2 نئے کیسز سامنے آئے۔ 

وزیراعلیٰ نے بتایا کہ گزشتہ 24 گھنٹوں میں 133983 افراد کو ویکسین لگائی جاچکی ہیں، اور اب تک10098341 افراد کی ویکسینیشن کی جاچکی ہے۔ 

بشکریہ جنگ