سندھ: عیدالاضحیٰ پر قیدیوں کی سزا میں 120 روز کی معافی کا اعلان

وزیراعلیٰ سندھ سید مراد علی شاہ نے عیدالاضحیٰ پر قیدیوں کی سزا میں 120 روز کی معافی کا اعلان کیا ہے۔

اس حوالے سے محکمہ داخلہ سندھ نے نوٹیفکیشن بھی جاری کردیا ہے۔

نوٹیفکیشن کے مطابق اس معافی کا اطلاق اغوا برائے تاوان اور دہشت گردی میں ملوث قیدیوں پر نہیں ہوگا۔

محکمہ داخلہ کا کہنا ہے کہ ڈکیتی اور ریاست کے خلاف سرگرمیوں میں ملوث قیدیوں پر بھی معافی کا اطلاق نہیں ہوگا۔

بشکریہ جنگ