سندھ حکومت کی الیکشن کمیشن سندھ کو بلدیاتی انتخابات ملتوی کرنے کی درخواست

سندھ حکومت نے الیکشن کمیشن سندھ کو بلدیاتی انتخابات ملتوی کرنے کی درخواست کردی۔ انتخابات ملتوی کرنے کی درخواست بارش کے پیش نظر کی گئی۔

سندھ حکومت نے الیکشن کمیشن سندھ کو بلدیاتی انتخابات ملتوی کرنے کیلئے خط لکھ دیا۔

عدالت عالیہ کا کہنا ہے کہ الیکشن کمیشن نے یقین دلایا وہ بروقت انتخابات کرانے کے خواہاں ہیں۔

سندھ حکومت کا کہنا ہے کہ درخواست ہے کراچی اور حیدرآباد ڈویژن میں بلدیاتی انتخاب ملتوی کیےجائیں۔

سندھ حکومت کا مزید کہنا ہے کہ اس وقت بلدیاتی انتخاب کا دوسرا مرحلہ کروانا ممکن نہیں، محکمہ موسمیات نے سندھ میں مزید بارشوں کی پیشگوئی کی ہے۔

خط میں کہا گیا ہے کہ آئی جی سندھ کے مطابق اس صورتحال میں پولیس اہل کاروں کو متاثرہ اضلاع سے واپس بلانا مشکل ہے۔

خط میں مزید کہا گیا ہے کہ اس وقت سندھ حکومت، انتظامیہ اور سیکیورٹی ادارے مختلف اضلاع میں امدادی کاموں میں مصروف ہیں۔

بشکریہ جنگ