سندھ حکومت کا وفاق پر سندھ کی جامعات کا بجٹ کم کرنے کا الزام

پاکستان پیپلز پارٹی کے رہنما اور وزیر جامعات سندھ اسماعیل راہو نے کہا ہے کہ پاکستان تحریک انصاف ( پی ٹی آئی) حکومت آنے کے بعد سے سندھ کی جامعات کے حالات ابتر ہیں۔

اسماعیل راہو نے اپنے ایک بیان میں کہا کہ ہائر ایجوکیشن کمیشن نے سندھ کی جامعات کی گرانٹ آدھی کردی ہے، گرانٹ کم ہونے سے سندھ کی جامعات شدید مالی بحران کا شکار ہیں۔

صوبائی وزیر برائے زراعت اسماعیل راہو کا کہنا ہے کہ وفاق کی ناقص زرعی پالیسی کی وجہ سے زراعت تباہ ہو چکی ہے۔

وزیر جامعات کا کہنا تھا کہ مہنگائی اور تنخواہوں میں اضافے سے جامعات کے اخراجات دگنے ہوئے ہیں، وفاقی حکومت نے گرانٹ میں کمی کر کے جامعات کے لیے بحران پیدا کیا ہے۔

صوبائی وزیر زراعت اسماعیل راہو نے کہا ہے کہ وفاقی حکومت سندھ کے دریا پر ڈاکہ ڈال کر بیٹھی ہے، ہمیں حصے کا پانی نہیں دیا جارہا، جب سندھ کو پانی نہیں مل رہا تو بلوچستان کو کیسے ملے گا، اس وقت وفاقی حکومت نے دونوں صوبوں کا پانی بند کردیا ہے۔

انہوں نے کہا کہ وفاق جامعات کو پیروں پر کھڑا کرنے کے لئے بجٹ میں اضافہ کرے، سندھ حکومت نے 6 ارب روپے گرانٹ جامعات کے لیے رکھی ہے۔

بشکریہ جنگ