سندھ حکومت کا دعا زہرہ کو پیش کرنے کیلئے ہائیکورٹ سے رجوع

سندھ حکومت نے دعا زہرہ کو پیش کرنے کے لیے سندھ ہائیکورٹ سے رجوع کرلیا۔

اسسٹنٹ ایڈووکیٹ جنرل سندھ نے کہا ہے کہ دعا زہرہ کو پیش کرکے بیان ریکارڈ کرانا چاہتے ہیں۔

درخواست میں اسسٹنٹ ایڈووکیٹ جنرل سندھ نے کہا کہ عدالت دعا کو آج ہی عدالت میں پیش کرنے کی اجازت دے۔

پولیس کا کہنا ہے کہ دعا زہرہ اور اس کے شوہر کو آج عدالت میں پیش کیا جائے گا۔

واضح رہے کہ کراچی سے لاہور جا کر اپنی مرضی سے نکاح کرنے والی دعا زہرہ کو پولیس نے چشتیاں سے شوہر سمیت تحویل میں لیکر کراچی منتقل کر دیا ہے۔

اے وی سی سی کی ٹیم رات گئے دعا زہرہ کو لیکر کراچی پہنچی ہے، دعا زہرہ کو لیڈیز پولیس کے حوالے کیا گیا ہے جبکہ اس کا شوہر ظہیر اے وی سی سی کی تحویل میں ہے۔

دعا زہرہ کو سندھ ہائیکورٹ نے بازیاب کرکے پیش کرنے کا حکم دیا تھا۔

بشکریہ جنگ