سندھ حکومت نے 23 اضلاع کو آفت زدہ قرار دیدیا

سندھ حکومت نے صوبے کے 29 میں سے 23 اضلاع کو آفت زدہ قرار دے دیا، جس کا نوٹیفکیشن جاری کردیا گیا ہے۔

وزیراعظم شہباز شریف نے آرمی چیف جنرل قمر جاوید باجوہ سے ٹیلیفونک گفتگو کی ہے۔

سندھ حکومت نے صوبے کے جن اضلاع کو آفت زدہ قرار دیا ہے، اُن میں حیدر آباد، نوابشاہ، سکھر، میر پور خاص، لاڑکانہ، شکار پور اور نوشہرو فیروز شامل ہیں۔

نوٹیفکیشن کے مطابق آفت زدہ قرار دیے گئے دیگر اضلاع میں ٹھٹہ، بدین، سجاول، ٹنڈو محمد خان، ٹنڈوالہ یار، جامشورو، مٹیاری،دادو، عمر کوٹ بھی شامل ہیں۔

سندھ  حکومت کی فہرست میں سانگھڑ، خیرپور، گھوٹکی، کشمور، قمبر شہدادکوٹ، جیکب آباد اور ملیر بھی آفت زدہ اضلاع میں شامل ہیں۔

بشکریہ جنگ