سندھ حکومت نے وزیراعظم کے خطاب کو مایوس کن قرار دے دیا

سندھ حکومت نے گزشتہ روز کے  وزیراعظم عمران خان کے قوم سے اہم خطاب کو مایوس کن قرار دے دیا۔

اسماعیل راہو کا کہنا ہے کہ جعلی سبسڈی پیکیج میں سندھ اور بلوچستان شامل ہی نہیں، تقریر میں پیٹرول مہنگا کرنےکے اعلان کے سوا کچھ بھی نیا نہیں تھا، وزیراعظم کا تیس فیصد سبسڈی دینے کا اعلان عوام سےدھوکا ہے۔

وزیر اعظم عمران خان نے گزشتہ روز قوم سے اہم خطاب کیا جس میں انہوں نے 120 ارب روپے کے ریلیف پیکیج کے اعلان سمیت دیگر اہم امور پر گفتگو کی۔

انہوں نے کہا کہ وزیراعظم نے ریلیف پیکیج کا اعلان تو کیا مگر یہ نہیں بتایا کہ وہ ملےگاکب؟ پشاور میں چینی 145روپے فی کلو فروخت ہورہی ہے اور سندھ میں110روپے۔

اسماعیل راہو نے کہا کہ عمران خان کا قوم سے خطاب مہنگائی بڑھانے کے لیے تھا۔

بشکریہ جنگ