سندھ بلوچستان میں بارشیں، حب ڈیم مکمل بھرنے میں 3 فٹ کی سطح باقی

سندھ اور بلوچستان کے پہاڑی سلسلے میں حالیہ بارشوں سے حب ڈیم مکمل طور پر بھرنے میں صرف تین فٹ کی سطح باقی رہ گئی ہے۔ 

حکام کے مطابق گزشتہ دو روز میں حب ڈیم میں پانی کی سطح 8 فٹ بلند ہوئی ہے۔ 

واپڈا ذرائع کے مطابق 22 جولائی کو حب ڈیم میں پانی کی سطح 329 فٹ سے زائد تھی۔ 

سندھ اور بلوچستان کے پہاڑی سلسلے میں حالیہ بارشوں کے بعد 23 جولائی کی شام حب ڈیم میں سطح آب 330.9 فٹ تک پہنچ گئی تھی۔ 

پیر کی شام 7 بجے تک حب ڈیم میں پانی کا لیول 336 فٹ کا لیول عبور کر گیا تھا، جبکہ حب ڈیم میں پانی ذخیرہ کرنے کی گنجائش 339 فٹ ہے۔ 

واپڈا ذرائع کے مطابق پانی کی آمد کا سلسلہ جاری ہے اور ممکنہ طور پر اگر مزید 3 فٹ تک پانی آگیا تو گزشتہ سال کی طرح امسال بھی حب ڈیم پانی سے مکمل طور پر بھر جائے گا۔

بشکریہ جنگ