سلطانز کےخلاف اہم میچ، کنگز کے عامر کی شرکت فٹنس سے مشروط
ملتان سلطانز کے خلاف اہم میچ میں کراچی کنگز کے فاسٹ بولر محمد عامر کی شرکت فٹنس سے مشروط ہے۔ محمد عامر پریکٹس کے دوران ملتان سلطانز کے احسان اللّٰہ کو ٹپس دیتے نظر آئے۔
ایچ بی ایل پی ایس ایل 8 میں اب تک سب سے زیادہ میچز جیتنے والی ٹیم ملتان سلطانز نے کراچی کے حنیف محمد ہائی پرفارمنس سینٹر میں بھرپور پریکٹس کی۔
سلطانز کے کپتان محمد رضوان، کوچ اینڈی فلاور اور مشتاق احمد نے پچ کا جائزہ بھی لیا جس کے بعد تینوں کے درمیان طویل مشاورت اور میچ کی حکمت عملی پر بات چیت ہوئی۔
دوسری جانب ملتان سلطانز کو ہوم گراؤنڈ پر ٹف ٹائم دینے والی کراچی کنگز نے بھی بھرپور پریکٹس کی۔
کنگز کے فاسٹ بولر محمد عامر نے پہلے کچھ دیر آرام کیا پھر اسٹریچنگ کی اور چھوٹے رن اپ سے بولنگ کی۔
محمد عامر انجری کے باعث ملتان سلطانز کے خلاف میچ نہیں کھیل سکے تھے تاہم اتوار کو ہونے والے میچ میں بھی ان کی شرکت فٹنس سے مشروط ہے۔
ملتان سلطانز کے فاسٹ بولر احسان اللّٰہ نے رننگ کے دوران محمد عامر سے ملاقات کی اور اُن سے ٹپس لیں۔
Comments are closed.