سفارتی عملے کے اہل خانہ سمیت مزید 81 پاکستانیوں کو یوکرین سے نکال لیا گیا

جنگ زدہ ملک یوکرین سے آج پاکستانی سفارتی عملے کے اہل خانہ سمیت 81 افراد کو نکال لیا گیا ہے۔

دفتر خارجہ کا کہنا ہے کہ یوکرین سے تازہ ترین اطلاعات  کے مطابق سفارتی عملے کے 21 اہل خانہ سمیت 81 افراد کو آج نکالا گیا ہے۔

سفارت خانے نے کیف میں پھنسی پاکستانی طالبہ معصومہ میمن کو بارڈر سے تیس کلومیٹر دور چھوڑ دیا۔

تازہ اطلاع کے مطابق اس وقت یوکرین۔پولینڈ اور یوکرین۔رومانیہ بارڈر کراسنگ پر 79 پاکستانی موجود ہیں۔

 دفتر خارجہ کا کہنا ہے کہ مختلف سرحدوں کی طرف 310 پاکستانی رواں ہیں، جن میں 307 پاکستانی طلبہ یوکرین۔پولینڈ اور تین یوکرین۔رومانیہ سرحد کی طرف گامزن ہیں۔

 ٹرین کے ذریعے 104 طلبہ خارکیو سے لویو کی طرف جارہے ہیں، سفارت خانہ 20 طلبہ کو کیف سے لویو لے جارہا ہے۔

بشکریہ جنگ