سعودی ولی عہد کا پورٹریٹ بنانیوالے پاکستانی مصور کو عمرے کے ٹکٹ کا تحفہ

پاکستان میں سعودی عرب کے سفیر نواف بن سعید المالکی نے ولی عہد شہزادہ محمد بن سلمان کی تصویر بنانے والے پاکستانی مصور عمر جرال کو عمرے کا ٹکٹ تحفے میں دیا ہے۔

عرب میڈیا کے مطابق 33 سالہ عمر جرال دماغی فالج (سی پی) میں مبتلا ہیں اور وہ دوسروں سے بات چیت کے لیے کمپیوٹر کا استعمال کرتے ہیں۔

عرب میڈیا کے مطابق عمر جرال نے سعودی ولی عہد شہزادہ محمد بن سلمان سمیت دنیا بھر کے مسلم رہنماؤں کی تصویریں بنائی ہیں۔

لاہور میں سعودی سفیر نواف بن سعید المالکی کی عمر جرال سے ملاقات سعودی عرب کے 93 ویں قومی دن کے موقع پر منعقدہ ایک تقریب میں ہوئی۔

عرب میڈیا کے مطابق پاکستانی مصور نے متحدہ عرب امارات کے وزیرِ اعظم شیخ محمد بن راشد آل مکتوم، دبئی کے ولی عہد شیخ حمدان بن محمد اور ترک صدر رجب طیب اردون کی تصاویر بھی بنائی ہیں۔

بشکریہ جنگ