سعودی ولی عہد محمد بن سلمان کا رواں ماہ دورہ پاکستان متوقع

سعودی ولی عہد اور وزیراعظم محمد بن سلمان رواں ماہ پاکستان کا دورہ کریں گے، سعودی عرب کی پاکستان میں مضبوط سرمایہ کاری متوقع ہے۔

سفارتی ذرائع کے مطابق محمد بن سلمان کا نومبر کے تیسرے ہفتے میں دورہ پاکستان متوقع ہے۔

ذرائع کا کہنا تھا کہ سعودی ولی عہد و وزیر اعظم کا 21 نومبر کو دورہ پاکستان پہنچنے کا امکان ہے۔ 

ذرائع نے بتایا کہ رواں ہفتے کے آخر میں سعودی خصوصی سیکیورٹی ٹیم پاکستان پہنچے گی۔

وزیراعظم شہباز شریف نے سعودی ولی عہد سے افسوسناک واقعہ پر گرفتار پاکستانیوں کی رہائی کی درخواست کی تھی۔

ذرائع کا کہنا تھا کہ سعودی خصوصی سیکیورٹی ٹیم سیکیورٹی انتظامات کا حتمی جائزہ لے گی۔

ذرائع نے بتایا کہ ولی عہد محمد بن سلمان کے دورے میں پاکستان کو 4.2 ارب ڈالرز اضافی بیل آؤٹ پیکیج ملنے کی توقع ہے۔ 

اسی طرح سعودی ولی عہد کے دورے میں سعودی عرب کی پاکستان میں مضبوط سرمایہ کاری متوقع ہے۔ 

سفارتی ذرائع نے بتایا کہ متعدد پاک سعودی پیٹرولیم معاہدوں کو آخری شکل دی جا رہی ہے۔

دوسری جانب ذرائع کا یہ بھی کہنا ہے کہ غیر یقینی سیاسی صورتحال میں مزید خرابی سعودی ولی عہد کے دورے میں رکاوٹ بن سکتی ہے۔

بشکریہ جنگ